«Жануарлардың таңғажайып әлемі» балалар экспозициясы

«Жануарлардың таңғажайып әлемі» экспозициясы бойынша экскурсияларды ұйымдастыру шарттары

• «Жануарлардың таңғажайып әлемі» экспозициясы сәрсенбі және жұма күндері ашық.
• Экспозиция бойынша экскурсиялар мектепке дейінгі ұйымдардың тәрбиеленушілері мен жалпы білім беретін мектептердің бастауыш сынып оқушыларына арналған.
• Экскурсиялар тегін өткізіледі және 10–15 адамнан тұратын топтар үшін ұйымдастырылады.
• Экскурсияға қатысушылардың саны өтінімде көрсетілген мәліметке сәйкес болуы тиіс.
• Экскурсия ұзақтығы – 30 минут.
• Экскурсияға өтінімді жоспарланған келу уақытына дейін кемінде 24 сағат бұрын беру ұсынылады.
• Өтінімді рәсімдеу үшін өтініш берушінің байланыс деректерін ұсыну қажет. Ұсынылған деректер өтінімді өңдеу және экскурсияны ұйымдастыру мәселелері бойынша байланысу үшін пайдаланылады.

Келушілер міндетті

• жеке тексеру рәсімінен өтуге;
• Қауіпсіздік қызметінің сұрауы бойынша белгіленген жағдайларда жеке басын куәландыратын құжатты көрсетуге;
• кіреберіс аймағында велосипедтерді, роликтерді, самокаттарды, скейтбордтарды және өзге де жүру құралдарын қалдыруға. Балалар арбасымен кіруге рұқсат етіледі. Арбадағы баланың қауіпсіздігі үшін жауапкершілікті ілесіп жүрген адам көтереді;
• киім ілгішке сырт киімді, ірі габаритті сөмкелерді (рюкзактар, чемодандар), пакеттерді, қолшатырларды, сусындарды, азық-түлікті және пайдалануы экспонаттар мен жабдыққа зақым келтіруі мүмкін көлемді заттарды тапсыруға;
• экскурсия өткізілетін кезде залдарда тыныштық сақтауға;
• экспонаттар мен витриналарды ұстамауға және оларға сүйенбеуге;
• экспонаттар орналасқан алаңдардың шектегіштерінен аспауға;
• жас балаларды қараусыз қалдырмауға;
• белгіленген санитариялық-эпидемиологиялық нормаларды сақтауға.

Келуші экспонатқа немесе жабдыққа зақым келтірген жағдайда ақаулық акті жасалады. Келуші өз кінәсінен келтірілген залал үшін материалдық жауапкершілік көтереді.

Келушілердің құқығы бар

• экспозиция аймақтарында орналастырылған ақпараттық ресурстарды еркін қарауға;
• ұялы құрылғыларға фотоға түсіруге (жарқылсыз);
• пікірлер мен ұсыныстар кітабына жазба қалдыруға;
• мекеме көрсететін қызмет түрлері туралы қосымша ақпарат сұратуға.

Қызмет көрсетуден мына жағдайларда бас тартылуы мүмкін

• егер қызмет көрсетуге арналған сұрау (өтінім) мекеменің бейініне, қолда бар экспозициялар мен көрмелер тізбесіне сәйкес келмесе;
• егер қызмет көрсетуге сұрау мекеменің жұмыс кестесіне қайшы келсе (келуге жабық күндер мен сағаттарда);
• мекемедегі мінез-құлық ережелері бұзылған кезде;
• алкогольдік, есірткілік немесе өзге де масаң күйдегі келушілерге;
• ересектердің ілесуінсіз 7 жасқа дейінгі балаларға;
• мекемеде реставрациялық, қайта экспозициялау немесе жөндеу жұмыстары жүргізілген жағдайларда;
• төтенше немесе күтпеген жағдайларда (электр энергиясының, сумен жабдықтаудың өшірілуі, өрт қаупінің туындауы, эпидемиологиялық жағдайдың өзгеруі, санитариялық-дезинфекциялық режимнің енгізілуі және т.б.).